इनेप्लिज
२०७२ कार्तिक ६ गते ३:०१ मा प्रकाशित
कञ्चनपुर, ६ कात्तिक । कञ्चनपुरको बेदकोट नगरपालिका गैलनदीका २२ वर्षीय वीरेन्द्र पाठकलाई चक्कु प्रहार गर्ने कार्यमा संलग्न चार जनालाई प्रहरीले पक्राउ गरेको छ ।
सामान्य विवादमा बुधबार राति ११ बजे पाठकको पेटमा चक्कु प्रहार गरिएको जिल्ला प्रहरी कार्यालय कञ्चनपुरले जनाएको छ ।
चक्कु प्रहार गरेको आरोपमा प्रहरीले सोही ठाउँका महेश क्षेत्री, भुवन क्षेत्री, डम्बर धामी र महेन्द्र चौधरीलाई बिहिवार पक्राउ गरेको छ ।
पक्राउ परेका चारै जना जिल्ला प्रहरी कार्यालय कञ्चनपुरको हिरासतमा राखिएका छन् । चक्कु प्रहारबाट घाइते भएका पाठकको महाकाली अञ्चल अस्पतालमा उपचार हुन नसकेपछि थप उपचारका लागि भारततर्फ लगिएको छ ।
प्रतिक्रिया