लिम्बुवान्ले पूर्व क्षेत्रका नौ जिल्लालाई लिम्बुवान् राज्य घोषणा गर्नुपर्ने माग विगतदेखि उठाउँदै आएको थियो । लगातारको बन्द र हडतालबाट आजित बनेका सर्वसाधारण, उद्योगी, व्यापारी, मजदुरले बन्दको प्रतिकार गर्ने जनाएपछि लिम्बुवान्ले तत्काल आफ्नो कार्यक्रम फिर्ता लिएको प्रहरीले जनाएको छ । बन्द खुलेपछि आज बिहानदेखि झापाका दमक, विर्तामोड, धुलाबारी, चन्द्रगढी, भद्रपुर र काँकडभिट्टामा यातायात एवम् मानिसको चहलपहल बढ्न थालेको छ ।