शुक्रबार, मंसिर १२ २०७७
काठमाडौं २०:०३
वासिङटन डिसी 09:18

गणेश चौथीमा केहि नपाएर बाँसको तगारो पनि छोडीएन :संस्मरण

इनेप्लिज २०७२ असोज २ गते २:३० मा प्रकाशित

IMG_0869

गणेश चौथी (भाद्र शुक्ल चतुर्थी) मेरो लागि अविस्मरणीय हुन् पुगेको छ l र यस दिनमा आफुले किशोर अवस्थामा गरेका अस्वाभाविक कुराहरुले सताउछ lअलिक सानो उमेरमा नबुझी गणेश चौथीको दिन चोरे पनि पाप लाग्दैन l चोरी गरे पनि दोष लाग्दैन भन्ने सुनेको भरमा राति चोरी गर्न साथी संग हिडियो l

यसरी नै राति हिड्दा प्रहरीले लाठ्ठीले पिडुलामा हिर्काएको पनि दिन सम्झना छ l आज चोर्न पर्ने भनेपछि छिमेकीका कुखुरा ,काक्रा ,फलफुल ,खसी ,बाख्रा ,हास ,परेवा ,जे जे भेटिन्छ त्यो मनोरंजन हिसाबले चोरियो l

पन्च पात्रो ,पूजा घन्टी ,रामायण ,गीता आदि ईत्यादी पनि लामो हात पारियो l सत्यनास ,पैसा चै चोरियन l पैसा चोर्ने पनि हैन यो गणेश चौथी l यस हिसाबले खेलिएको पनि थिइन् l कसैलाई किन चोरेको होला भन्ने पनि सोध्ने पनि रहर लागेन l केवल राति जाने र चोर्ने मात्र दिमागमा लिएर हिडियो l केहि न केहि हात लाग्दथ्यो l

कति पटक कुकुरले हाउ गरि सात्तो पनि लिएको छ l गालामा रन्कने गरि बाघे झापु पनि खाईयो l कस्तो थेत्तरो शरीर फेरी अर्को साल बिर्सेर फेरी चोर्न जाउ जाउ मन लाग्ने l आमाले पनि आज चोर्दा पाप लाग्दैन भन्ने जस्तो कुरा गरेकोले आमाले त यसो बन्नु हुन्छ भने हामी के कम भनि राती २-३ बजे सम्म चोरी गर्न हिन्थेउ l

अहिले सम्झदा कहाली लाग्छ l तर चौथीमा राती १ बजे तिर घर मालिकले सिस्नो राखी दिएका रहेछन साग देखेर झ्याम हात हाल्दा बिपत परेको थियो l एक पटक हाँस चोर्न जाँदा हाँस ज्यादा कराउने भएकोले घर पट्टिले थाहा पाएर मुख भरि कालो मोसो दली दिएको सम्झदा हासो लाग्दछ l १२ -१३ बर्ष को उमेरमा त्यो घटना हुन् पुगेको हो l

कति पटक गतिलो भाले पनि हात लाग्दथ्यो l चोरेर ल्याएको भाले र हाँस बिहान ४ बजे सम्म भए पनि हन्तकाले झैँ गरि पेटमा हालिन्थ्यो l कहिले काही ढाकि भरि फुल पनि चोरियो l हुदा हुदा भुसे कुकुर पनि ल्याए lखै के मिठो लागेको केहि पुग्दैन थियो पकाउने समान भए पनि गल गिद्द हुने गरि खाईयो टन्न l पछि पछि चौथी अगाडी नि मानिसले थाहा पाएर तुल्फुल ,अरु सबै लुकाउने र टिप्ने गरेकोले एक बर्ष कहिँ केहि पाईन l

बेलुका एक गास टिपेर हिडेको राती १ बजे सम्म पिडुला फर्के पछि गलत सोचाई आयो l अनि साथी भाई घर घर गए l र मैले बाटोमा एउटा घरमा गाई गोरु ,बाख्रा पाठाले फूलहरु खाई दिन्छन भनेर बाँसको तगारो लामो लामो केहि नछिर्ने भनि लगाएको देखे l

रिसले चुर भएकोले केहि नलगी छोडदिन भनि आखिर ३ वटा बाँसका तगारा राती १ बजे तिर घरमा लिएर आएको सम्झना सबै भन्दा अविस्मरणीय लागेको छ l त्यो बाँसको तगारोले गाइको खोले पकाउन धेरै मदत गर्यो l

गुन्द्रुकमा जात फाल्नु भने झैँ गणेश चौथीको दिन चोर्न मन आफै लाग्ने स्वभाव १० कक्षा पछि मन मारेर आयो l ठुलो पनि भएछु र लाज पनि लाग्न थाल्यो l गणेश चौथिको दिन थुप्रै यस्ता घटना हाम्रा समाजमा घट्छन l सानो उमेरमा लह लहैमा पनि यस्तो कार्य गरिन्छ l त्यो निर्दोषपनमा गरिएको कार्य क्षम्य हुन्छ भन्ने लागको छ l नियति बस चोर्न र घर फोर्न गएको नभई चोर्न पाईन्छ अरे भन्ने सुनेको भरमा हर्कत हुने गर्छ l

आफुले यसो पटक पटक गरियो l चौथीको दिन पूजा गरिने देवता भएकोले गणेशजीलाई नेपालभाषामा चथाः द्यः भनिएको कथन छ । जनमानसमा चोर देवताको पूजा गर्ने वा यस दिन चोर्न पाइन्छ जस्ता गलत भ्रमहरू फैलिएको भेटिन्छ । कथाअनुसार त्यस दिन जसले चन्द्रमालाई हेर्छ, उसलाई चोर बनोस् भन्ने श्राप लागेको कथा मात्र हो ।

यस दिन पानी परे दशैँमा पनि पानी पर्ने, यस दिन शुभ भयो कि दशैँ पनि शुभ हुने जनविश्वास रहेको छ ।

प्रतिक्रिया