जिल्ला वन कार्यालय तथा स्थानीय प्रशासनले चुरे तथा नदी आसपासका क्षेत्रबाट ढुङ्गागिट्टी निकाल्न तथा ओसारपसार गर्न प्रतिबन्ध लगाएको अवस्थामा पनि केही ट्याक्टर व्यवसायीले सो कार्य गर्दै आएका स्थानीयवासीले बताएका छन् ।

अवैध तवरले निकालिएका ढुङ्गा हाल चन्द्रपुर नगरपालिका–२ स्थित चाँदी नदी तथा गैँडाटार आसपासको खोला किनारामा सङ्कलन गरिएको छ । नियमित अनुगमनको अभावमा हाल चुरे क्षेत्रबाट दैनिक ४० भन्दा बढी ट्याक्टरले ढुङ्गा लोड गरी अन्यत्र स्थानमा जम्मा गर्ने गरेको सर्वसाधारणको भनाइ छ ।