आइतबार, मंसिर १४ २०७७
काठमाडौं ०७:३५
वासिङटन डिसी 20:50

‘एक विद्यार्थी एक बिरुवा’

इनेप्लिज २०७२ भदौ ११ गते १:५१ मा प्रकाशित

Paulowniaचन्द्रपुर (रौतहट), ११ भदौ । जिल्लाको एक निजी विद्यालयले अनिवार्य रुपमा एक बिरुवा रोपेर संरक्षण गर्ने अभियान चलाएको छ ।

रौतहटको चन्द्रपुर नगरपालिकामा रहेको साथी शिक्षा सहकारी संस्थाद्वारा सञ्चालित बाल निकेतन विद्यालयले ‘एक विद्यार्थी एक बिरुवा’ अभियान सञ्चालन गरेको हो । विद्यालयमा अध्ययनरत आठ सय विद्यार्थीले अनिवार्य रुपमा एउटा बिरुवा रोपेर संरक्षण गर्नुपर्ने र बिरुवा संरक्षण गरेबापत अतिरिक्त क्रियाकलापअन्तर्गतको परीक्षामा नम्बर थप गर्ने विद्यालयका प्राचार्य धुव्र सिग्देलले बताउनुभयो ।

विद्यार्थीले रोप्न चाहेको बिरुवा विद्यालयले निःशुल्क उपलब्ध गराउँदै आएको जिल्ला वन कार्यालय रौतहटले जनाएको छ । विद्यार्थी तथा सम्पूर्ण शिक्षकले विद्यालय परिसर तथा आ–आफ्नो घर तथा जमिनमा बिरुवा रोप्ने अभियान थालेको जानकारी विद्यालयका निर्देशक दीपक रेग्मीले दिनुभयो ।

प्रतिक्रिया