स्थानीय रुपमा पाइने सेत्वा जातको सर्पले टोक्दा लेलेप–६ का ३२ वर्षीय भोजकुमार राईको मृत्युभएको हो । गत भदौ ४ गते मकैबारीमा गएका राईलाई सर्पले टोकेको र समयमै उपचार हुन नसक्दा मृत्युभएको हो ।

सर्पले टोकेपछि स्थानीय स्वास्थ्य चौकीले गाउँमा नै उपचार सम्भव हुने भनेपछि समयमै अन्यत्र नलगिएको तर पाँच दिनपछि सदरमुकामतर्फ उपचारका लागि ल्याउने तयारी हुँदाहँुदै मृत्यु भएको मृतककी बहिनी भूमिका राईले बताइन् । लेलेप गाविस सदरमुकामदेखि एक दिनको पैदल दूरीमा पर्छ ।