आवश्यक जनशक्ति, सामग्री र पूर्वाधार जुटाएर सूचना केन्द्र सञ्चालनमा ल्याउने योजना रहेको जिविसले जनाएको छ । सरकारको करिब रु १९ लाखको लागतमा उपभोक्ता समितिमार्फत एक तले दुई कोठे भवन निर्माण भएको हो ।

उक्त भवन निर्माण गर्न जिविसले रु सात लाख ५० हजार, पर्यटन कार्यालय पोखराले रु १० लाख र बेनी नगरपालिकाले करिब रु एक लाख ५० हजार लगानी गरेको स्थानीय विकास अधिकारी चिरञ्जीवी पौडेलले बताउनुभयो ।

जिल्लामा भित्रने पर्यटकलाई म्याग्दीका पर्यटकीयस्थलको बारेमा आवश्यक जानकारी र अप्ठ्यारो परेको अवस्थामा सहयोग गर्ने उद्देश्यले पर्यटक सूचना केन्द्र सञ्चालन गर्ने तयारी भएको हो ।

नगरपालिका र जिल्ला प्रहरी कार्यालयसँग समन्वय गरेर पर्यटन केन्द्र सञ्चालन गर्न पहल गर्ने स्थानीय विकास अधिकारी पौडेलले बताउनुभयो ।