न्युह्याम्प्शायरमा बालप्रतिभा प्रतियोगिता

अन्तरराष्ट्रिय नेपाली साहित्य समाज न्युह्याम्प्शायर चयाप्टरले शनिबार अमेरिकाको न्युह्याम्प्शायरमा बालप्रतिभा प्रतियोगिताको आयोजना गरेको छ / चित्रकला, गायन,बाद्यबादन , कविता वाचन ,नृत्य , लगायतका विधामा संग्लग्न करिव दुई दर्जन बालबालिकाले प्रतियोगितामा भाग लिएका थिए/ बाल दिवशको अवसर पारेर आयोजना गरिएको उक्त प्रतियोगितामा गरिमा गिरीले नृत्य गरेर प्रथम स्थान हासिल गरिन भने नेपाली राष्ट्रिय गानको धूनलाई पियानोमा प्रस्तुत गरेर दोश्रो पुरस्कार जितिन / साहित्यकारद्वय महेश्वर पन्त, दीपा राई पुन र गायक रोशन गुरुङ निर्णायक रहेको समितिले गीत गायन र नृत्य प्रस्तुत गर्ने सारा गुरुङ लाई तृतीय पुरस्कारका लागि छनोट गर्यो /

कार्यक्रमका प्रमुख अतिथि तथा अन्तरराष्ट्रिय नेपाली साहित्य समाजका केन्द्रीय महासचिव साहित्यकार गोवर्धन पूजाले यस किसिमको कार्यक्रमले विदेशमा रहेन नेपाली बालबालिकाको नेपाली कला, साहित्य र संगीतप्रतिको रुची विकास गर्न मद्दत गर्ने बताउदै आगामी नारीदिवशको अवसर पारेर अनेसासले नेपाली साहित्य र कलामा लागेका  बालबालिका र महिलालाई पुरस्कृत गर्ने योजना बनाएको जानकारी गराए/

 उपस्थित वालवालिकालाई नेपाली भाषामा आफ्नो परिचय दिन लगाएर पुरस्कृत पनि गरिएको उक्त कार्यक्रममा साहित्यकार तथा आयोजक सस्थाका सचिव ईश्वरी भट्टले यो प्रतियोगितालाई आगामी दिनमा अझ ब्यापक गर्ने योजना रहेको बताए/ साहित्यकार महेश्वर पन्तले पुरस्कृतहरूको नाम सार्वजनिक गर्दै शुभकामना ब्यक्त गरे भने समाज सेवी शिब कुमार राईले कार्यक्रमको उपादेहिता माथि प्रकाश पारे / च्याप्टरका अध्यक्ष अग्नि पराजुलीको सभापतित्वमा सम्पन्न उक्त कार्यक्रममा  न्युह्याम्प्शायर नेपाली समाजका अध्यक्ष रविन थापा , धौलाबीर राई, कृष्ण गिरीलगायतले मन्तव्य तथा  कविता वाचन गरे/  कार्यक्रममा आभूषण गुरुङ , सब्रिना कडेरिया , अनुशील गुरुङ, अग्रिम गुरुङ, आरजु पराजुली , श्रेया पराजुली , नियन्ता रिमाल , श्रीजल गुरुङ लगायतका भाइ बहिनीले आफ्नो कला प्रस्तुत गरेका थिए/