अमरदह–७ स्थित जय नेपाल चोकका स्थानीयवासीले प्रत्येक घरबाट रु ५०० देखि सात हजारसम्म उठाएर करिब रु एक लाख ५० हजारको लागतमा २५ फिट चौडाइको दुई किलोमिटर सडक ग्राभेल गरेको जानकारी विकास निर्माण समिति अमरदहका अध्यक्ष मनोज मेहताले दिनुभयो ।

स्थानीय बुद्धिजीवी, राजनीतिक दलका प्रतिनिधि तथा स्थानीयवासीले सडक, कल्भर्ट तथा विकासका कार्य नहुँदा गाउँबाट हुने बसाइँसराइ रोक्न एक भेला गरी आफ्नो गाउँको विकास निर्माणमा सरकारको मुख नताकी गाउँले मिलेर अमरदहलाई मोरङ जिल्लाकै नमुना गाउँ बनाउन लागिपरेको समितिका सचिव शम्भु दासले बताउनुभयो ।