तनहुँका चार गाविसमा अझै पुगेन मोटरबाटो

इनेप्लिज २०७२ भदौ ५ गते २:३८ मा प्रकाशित

तनहुँ, ५ भदौ । तनहुँका ४० गाविसमध्ये चार गाविसमा अझै मोटरबाटो पुग्न सकेको छैन ।

जिल्ला विकास समिति तनहुँले दिएको जानकारीअनुसार जिल्लाको कोटा, छिपछिपे, छिम्केश्वरी र देवघाट गाविसमा मोटरबाटो पुग्न नसकेको हो ।

सदरमुकामदेखि छिपछिपे ४० किलोमिटर, कोटा ५० किलोमिटर, छिम्केश्वरी ३६ किलोमिटर र देवघाट ५९ किलोमिटर दूरीमा रहेको सडक विस्तारका लागि जिल्ला विकास समिति र गाउँ विकास समितिले बजेट विनियोजन नै नगरी दिँदा ती गाविसमा मोटरमार्ग पुग्न नसकेको देवघाट निवासी पत्रकार सङ्गम सापकोटाले बताउनुभयो ।

उक्त क्षेत्रमा मोटरमार्ग पुग्न नसक्दा देवघाटमा रहेको देवघाटधाम, छिम्केश्वरीमा रहेको छिम्केश्वरी मन्दिर जस्ता धार्मिक स्थल र कोटा र छिपछिपेमा रहेको धार्मिक एवम् पर्यटकीय क्षेत्र ओझेलमा पर्दै गएको र उत्पादित वस्तुसमेत बजारसमक्ष पु¥याउन कठिनाइ बनेको बताइएको छ ।

प्रतिक्रिया