बुधबार, असार ९ २०७८
काठमाडौं ०४:३३
वासिङटन डिसी 18:48

डुबानमा परेका पचासी परिवारलाई सुरक्षित स्थानमा सारियो

इनेप्लिज २०७२ भदौ ४ गते २:४२ मा प्रकाशित

पथरी (मोरङ), ४ भदौ । मोरङको बक्राहा नुनसरी खोलाको बाँध फुटेर डुबानमा परेका चारवटा गाविसका ८५ घरपरिवारलाई सुरक्षित स्थानमा सारिएको छ ।

जिल्ला प्रहरी कार्यालय मोरङका प्रहरी उपरीक्षक तारणीप्रसाद लम्सालका अनुसार मधुमल्ला गाविसको ५, ६ र ८ नम्बर वडामा डुबानमा परेका ८५ घरपरिवारलाई सुरक्षित स्थानतर्फ सारिएको छ । भदौ ३ गते राति पहाडी क्षेत्रमा परेको वर्षाका कारण मोरङको मधुमल्ला–५ कसेनीमा रहेको बक्राहा नुनसरी खोलाको बाँध पुनः फुटेको थियो ।

त्यस्तै गत असार १५ गते मध्यरातमा बक्राहा नुनसरी नदीको बा“ध फुटेर बस्तीमा पसेको थियो । जसका कारण मधुमल्ला–४, ५, ६ र ८ का करिब दुई हजार परिवार प्रभावित भएका थिए । अघिल्लो पटकको बाढीले दिएको पीडा भुल्दै गएका मधुमल्लावासीमा पुनः पीडा थपिएको छ ।
बस्तीभन्दा खोला उच्च स्थानमा पर्दै जानु नै समस्याको मूल कारण भएको स्थानीयवासी नवराज कुइँकेल बताउनुहुन्छ । जल उत्पन्न प्रकोप नियन्त्रण डिभिजन कार्यालय विराटनगरका प्रमुख भिलानन्द यादवले स्थानीयवासीको अवरोधका कारण कसेनीमा बाँध पुनः फुटेको दाबी गर्नुभयो ।

प्रतिक्रिया