इनेप्लिज
२०७२ साउन ३२ गते १५:०६ मा प्रकाशित
भक्तपुर, ३२ साउन । उपप्रधान एवम् गृहमन्त्री वामदेव गौतमले भक्तपुरको गट्ठाघरस्थित नागरिक कम्युनिटी अस्पतालमा पुगेर त्यहाँ उपचार गराइरहनुभएका उद्योगमन्त्री महेश बस्नेतको स्वास्थ्य अवस्थाबारे जानकारी लिनुभयो ।
आज दिउँसो अस्पताल पुग्नुभएका उपप्रधानमन्त्री गौतमले आइतबार क्रोनिक एपेन्डिसाइडको शल्यक्रिया गरेर आइसियुमा उपचार गराइरहनुभएका मन्त्री बस्नेतसँग भेट गरी उहाँको स्वास्थ्य अवस्थाबारे जानकारी लिनुभएको हो ।
आजै नेकपा (एमाले)का महासचिव ईश्वर पोखरेल, सचिव प्रदीप ज्ञवाली, एमाले नेता कृष्णगोपाल श्रेष्ठ, प्रहरीनायब महानिरीक्षकद्वय जयबहादुर चन्द, नवराज सिलवाललगायतले अस्पताल पुगेर मन्त्री बस्नेतको स्वास्थ्य अवस्थाबारे जानकारी लिनुभएको थियो ।
अस्पतालका निर्देशक गोपी न्यौपानेले मन्त्री बस्नेतको स्वास्थ्यमा सुधार भइरहेको जानकारी दिँदै अझै चार दिन अस्पतालमा राखेर उपचार गरिने बताउनुभयो ।
प्रतिक्रिया