शुक्रबार, असार ४ २०७८
काठमाडौं ११:२८
वासिङटन डिसी 01:43

तीन दिनको बन्दले जनजीवन अस्तव्यस्त

इनेप्लिज २०७२ साउन ३२ गते ४:३५ मा प्रकाशित

nepal_banda_1विराटनगर, ३२ साउन । सीमाङ्कनको विरोधमा ३३ दलीय मोर्चाले गरेको बन्दका कारण तेस्रो दिन पनि आज पूर्वाञ्चल क्षेत्रको जनजीवन अस्तव्यस्त बनेको छ ।

पूर्व–पश्चिमराजमार्ग, कोसी राजमार्गलगायत सहायक मार्गमा सार्वजनिक यातायातका साधन ठप्प भएपछि सयौँ यात्रु अलपत्र अवस्थामा छन् ।

पूर्वको नौ जिल्लामा स्वायत्त लिम्बूवान राज्य हुनुपर्ने माग राखी लिम्बूवानवादी पार्टीले गरेका बन्दले मेची अञ्चल पनि बिहानैदेखि पूर्णरुपले प्रभावित भएको छ ।

विराटनगर बजारमा छिटफुट रुपमा मोटरसाइकल गुडिरहेका छन् भने अन्य सवारीसाधनमा अतिआवश्यक सेवा बाहेकका गाडी बन्द छन् ।

लगातार दुई दिनदेखि शिक्षणसंस्था, बजार र कलकारखानासमेत ठप्प अवस्थामा छन् ।

यसैबीच, जिल्ला प्रहरी कार्यालय, मोरङका अनुसार बिहान ९ः३० बजेसम्म कुनै प्रकारका अप्रिय घटना भएको छैन् ।

प्रतिक्रिया