यहाँ आज आयोजित पत्रकार सम्मेलनमा महासङ्घका अध्यक्ष हेमबहादुर कार्कीले संविधानमा सबैले आफ्नो अस्तित्व र अधिकार सुनिश्चित गर्न खोजेका बेला हिन्दू धर्म र संस्कृतिको संरक्षण गरी हिन्दू धर्मावलम्बीको भावनालाई सम्मान गर्न आग्रह गर्नुभयो ।

पूर्वउपरथी भरतकेशरी सिंहले नेपालमा ८० प्रतिशत हिन्दू धर्मावलम्बीको बाहुल्य रहेकाले नयाँ बन्ने संविधानमा सनातन वैदिक हिन्दू राष्ट्र सुनिश्चित गर्नुपर्नेमा जोड दिनुभयो । समाजसेवी अस्मिता भण्डारीले नेपाल भूखण्डमा अनादिकालदेखि अस्तित्वमा रहेको हिन्दू धर्म, संस्कृति तथा अभ्यास नै विश्व परिवेशमा नेपालको पहिचान भएकाले त्यो मान्यतालाई संविधानमा समेट्न माग गर्नुभयो ।