सुनटारमा सञ्चालित डकर्मी तथा सिकर्मी तालिमका क्रममा अपाङ्गमैत्री टहरोको निर्माण गरिएको समितिका वरिष्ठ उद्योग अधिकृत विजयकुमार भट्टराईले जानकारी दिनुभयो । सहभागीले एक महिनाको तालिमपछि अपाङ्गता भएकाहरुको घर निर्माण गरिदिएका हुन् ।

भूकम्पले बस्दै आएको घर भत्किएपछि घर न घाट भएको सुनटारका अपाङ्गता भएकाहरु घरेलुले टहरो निर्माण गरिदिएपछि खुसी भएका छन् । “म त टहरो बनाउन सक्दिन थिएँ, आफ्नो हातगोडा पनि चल्दैन, भूकम्पपछि कैयौँ रात आकाशमुनि नै रात बिताएँ, अब मजासँग निदाउन सक्छु”, तेज गिरीले भन्नुभयो ।