शुक्रबार, असार १७ २०७९
काठमाडौं ०१:०१
वासिङटन डिसी 15:16

कास्कीमा पहिरोबाट मृत्यु हुनेको सङ्ख्या तेइस पुग्योे

इनेप्लिज २०७२ साउन १४ गते १४:४१ मा प्रकाशित

kaski-pahiroपोखरा, १४ साउन । गएरातिको भीषण वर्षासँगै आएको पहिरोले कास्कीको लुम्ले, भदौरे तमागी र ढिकुरपोखरी गाविसको वडा नं ९ ठूलीचौरमा आज अपरान्हसम्म मृत्यु हुनेको सङ्ख्या २३ पुगेको छ ।

जिल्ला प्रहरी कार्यालय कास्कीले दिएको जानकारीअनुसार लुम्लेमा १६, भदौरे तमागीमा पाँच र ढिकुरपोखरीको ठूलीचौरमा दुईजनाको मृत्यु भएको छ । मृत्यु भएका मध्ये १३ महिला, पाँच पुरुष, चार बालक र एक बालिका छन् ।

उक्त घटनामा १८ जना घाइते छन् । भदौरे तमागीमा १४, लुम्लेमा तीन र ढिकुरपोखरीमा एकजना घाइते भएको प्रहरीले जनाएको छ ।

पछिल्लो विवरणअनुसार सो गाविसको ठूलीचौरस्थित टोपली दाहालको घर पहिरोले पुरेको र पहिरो पन्छाउने क्रममा १७ वर्षीया अस्मिता दाहाल र १९ वर्षीय प्रेमराज दाहाललाई मृत अवस्थामा निकालिएको थियो ।

घाइतेहरुको पोखराका मनिपाल र पश्चिमाञ्चल क्षेत्रीय अस्पतालमा उपचार भइरहेको छ । घाइतेमध्ये छजना अवस्था गम्भीर रहेको बताइएको छ ।

प्रतिक्रिया