चितवन, १३ साउन । हिन्दू राष्ट्र बचाउ सङ्घर्ष समितिले अब बन्ने संविधानमा हिन्दू राज्य हुनुपर्ने माग गर्दै आज आह्वान गरेको चितवन बन्दका क्रममा अत्यावश्यक सवारीका साधन समेत बन्द गराएको भन्दै प्रहरीले आज बिहान ७ जनालाई नियन्त्रणमा लिएको छ ।
प्रहरी नायब उपरीक्षक राजन अधिकारीका अनुसार अक्सिजन ग्यास बोकेको गाडीको चाबी खोसेको भन्दै चौबिसकोठीबाट एक र आँपटारीबाट ६ जनालाई नियन्त्रणमा लिएको हो । बन्द गराउन बिहानैदेखि आयोजक बजार क्षेत्रमा देखापरेका छन् । बिहानदेखि ठूला सवारी साधन चल्न सकेका छैनन् भने मोटरसाइकल फाट्टफुट्ट चलिरहेका छन् ।
प्रतिक्रिया