अहिले अस्पतालमा दिनहुँ ५० देखि ८० जनासम्म बिरामी उपचारका लागि आउने गरेको अस्पतालका डा सुबी बस्न्यातले बताउनुभयो । यसअघि दैनिक २० देखि २५ मात्र बिरामी आउने गर्थे ।

उपचारका लागि आउनेमा यार्सा टिप्ने याम सकिएलगत्तै यार्सा टिपेर घर फर्कँदै गरेकाहरु छन् । विशेष गरेर निमोनिया, झाडापखाला, रुघाखोकीलगायत रोगका बिरामी धेरै आउने गरेको डा निरेश थापाले बताउनुभयो । यार्सा पाइने पाटनमा खाना तथा पानीको असन्तुलन तथा अत्यधिक चिसोले गर्दा त्यस्तो समस्या देखिएको बताइएको छ ।