जिविसले पहिलो चौमासिकमा रु चार करोड ३१ लाख ६३ हजार ७५३, दोस्रो चौमासिकमा रु छ करोड ३२ लाख ४१ हजार २४१ र तेस्रो चौमासिकमा रु चार करोड ५९ लाख एक हजार सामाजिक सुरक्षाभत्ता वितरण गरेको सामाजिक सुरक्षा शाखाका प्रमुख रवीन्द्रप्रसाद श्रेष्ठले जानकारी दिनुभयो ।

जिल्लामा नौ हजार २३ ज्येष्ठ नागरिक, एक हजार ६८ ज्येष्ठ दलित, दुई हजार १४८ एकल महिला, दुई हजार ५१७ एकल विधवा, तीन हजार २०७ लोपोन्मुख आदिवासी जनजाति, २३० पूर्ण अपाङ्ग, ३७७ अति र आंशिक अपाङ्ग तथा ७६४ जना विपन्न दलित बालबालिका रहेको सो शाखाले जनाएको छ ।

जिविसले ज्येष्ठ नागरिक, ज्येष्ठ दलित, एकल महिला, विधवालाई मासिक रु ५००, लोपोन्मुख आदिवासी जनजाति र पूर्ण अपाङ्गलाई रु एक हजार, अति र आंशिक अपाङ्गलाई रु ३०० र विपन्न बालबालिकालाई रु २०० का दरले सामाजिक सुरक्षा भत्ता उपलब्ध गराउँदै आएको जनाएको छ ।