कठिन व्रतका रूपमा लिइने यो व्रत हिजो बिहान ३ः३५ बजेदेखि सुरु भई साँझ ७ः०५ बजेसम्म निराहार रहनुपर्ने धार्मिक मान्यता रहेको नेपाली जामे मस्जिदका अध्यक्ष अमर अलि फरिद खानले जानकारी दिनुभयो । “व्रतका अवसरमा हिजो विभिन्न इस्लामिक धर्मग्रन्थ पाठ गरेर बस्ने हाम्रो धार्मिक मान्यता रही आएको छ”– उहाँले भन्नुभयो ।

हिजोका दिन नराम्रा काम गर्न नहुने र नराम्रा कुरा सुन्न तथा हेर्नसमेत नहुने कडा नियम रहेको उहाँले बताउनुभयो ।

‘रोजा’ व्रत हिजो सम्पन्न भएकाले त्यसको खुसियालीमा मुसलमान समुदायले आज इद उल फित्र मनाउन सार्वजनिक बिदा दिएको मस्जिदका सल्लाहकार समिम अन्सारीले जानकारी दिनुुभयो । रमादान महिनाभर गरिब, दीनदुःखी र असहायका लागि नराम्रो नहोस् भन्ने कामना गरिन्छ । यसका लागि अल्लाहले रम दान पर्वको इस्लाम धर्ममा विशेष व्यवस्था गरेको मानिन्छ ।

शुक्रबार राति चन्द्रमा देखिएपछि शनिबार ब्रत गरी बिहान साढे आठ बजे व्रत सम्पन्न गरेपछि आफन्तकहाँ सेवई खान जाने प्रचलन रहेको मस्जिद समितिले जनाएको छ ।