पटेरबाट गुन्द्री र अन्य पटेरजन्य सामग्री बनाउने भएकाले कच्चापदार्थका रुपमा कोसी क्षेत्रको पटेर काट्न आउनेको सङ्ख्या बढ्दै गएको हो ।

कोसीटप्पु वन्यजन्तु आरक्ष र कोसी नदी आसपासका क्षेत्रमा प्रशस्त मात्रामा पाइने पटेर काट्नका लागि सुनसरी जिल्लासँगै मोरङका विभिन्न गाउँका र समुदायका स्थानीयवासी आउने गरेको स्थानीयवासी अरुण मण्डलले बताउनुभयो ।

कोसीको पारि क्षेत्र सप्तरीको भारदह, पोर्ताह, पिपरा, कमलपुर र वारी सुनसरीका क्षेत्र हरिपुर, श्रीपुरजव्दी, पश्चिमकुशाहा, मधुवन र प्रकाशपुर क्षेत्रमा पटेर पाइन्छ । पटेरबाट कोसी क्षेत्रका सरदार, चौधरी, उराँव, सदालगायत समुदायका स्थानीयवासीले आफ्नो जीविका चलाउनुका साथै अर्थोपार्जनसमेत गर्दै आएका छन् । पटेरबाट बनाइएको गुन्द्री, पटेरको पर्स, चटाई लगायतका सामग्री इनरुवा, इटहरी, धरान, पोखरा र काठमाडाँैसम्म जाने गरेको बिक्रेताले बताएका छन् ।