शुक्रबार, माघ १४ २०७८
काठमाडौं २१:१६
वासिङटन डिसी 10:31

युवाको सक्रियतामा खेलमैदान निर्माण

इनेप्लिज २०७२ असार २३ गते ४:३५ मा प्रकाशित

Myagdi_district_locationबेनी (म्याग्दी), २३ असार । म्याग्दीको बेनी नगरपालिका–४ बगरफाँटका स्थानीय युवाको सक्रियतामा खेलमैदान निर्माण भएको छ ।

रिभरसाइड युवा क्लब गरफाँटमा आबद्ध युवाको सक्रियतामा रु १६ लाख २० हजार लगानीमा २५० मिटर लामो र ७५ मिटर चौडा भएको खेलमैदान निर्माण भएको हो ।

मैदान निर्माणका लागि स्वदेश तथा वैदेशिक रोजगारमा रहेका गाउँका युवाबाट आर्थिक सहयोग प्राप्त भएको क्लबका सचिव विकास कार्कीले जानकारी दिनुभयो ।

स्थानीय युवाले तीजको अवसरमा मेला आयोजना गरी खेलमैदानको लागि रु एक लाख सङ्कलन गरेका थिए । त्यस्तै गाउँलेले रु ७० हजार बराबरको श्रमदान गरेको क्लबका अध्यक्ष कुलबहादुर जिसीले बताउनुभयो ।

प्रतिक्रिया