रफत् सञ्चार क्लबले आज यहाँ आयोजना गरेको साक्षात्कार कार्यक्रममा बोल्दै बडूले संविधान जारी नभएसम्म प्रधानमन्त्रीको विकल्प नभएको बताउनुभएको हो ।

अहिले पनि सरकारमा आउन सबै दललाई काँग्रेसले ढोका सधैँ खुला राखेको बताउँदै उहाँले वर्तमान सरकारलाई नै राष्ट्रिय सरकारको स्वरुप पनि दिन सकिने धारणा राख्नुभयो ।

संविधान जारीपछि सरकारको नेतृत्व एमालेलाई दिइने पूर्व सहमति रहेको बताउँदै प्रवक्ता बडूले विपत्पश्चात् जेठ २५ गतेको भूमिकाले अब संविधान जारी हुने निश्चित भएको बताउनुभयो ।

गैरसरकारी तथा विदेशी दातृ संस्थाले आफ्नो उद्देश्य पूरा गर्न एकद्वार प्रणाली लागू हुन नदिएको चर्चा गर्दै उहाँले राहत वितरणमा भएको भ्रष्टाचारको छानबिन हुने बताउनुभयो ।

सरकारले भौतिक पूर्वाधारको विकाससँगै छरिएर रहेका बस्तीलाई एकीकृत गरी सामूहिक बस्तीको अवधारणा ल्याएको उहाँको भनाइ थियो ।