गेटा आँखा अस्पताल शाखा महेन्द्रनगरको आयोजनामा बुधबार सम्पन्न सो शिविरबाट ८३२ जना लाभान्वित भएको अस्पतालका नेत्र अधिकृत वीरसिंह धामीले जानकारी दिनुभयो ।

उहाँका अनुसार बेल्डाँडीको रौलेश्वर र सिद्धनाथ विद्यालयमा आँखा शिविर आयोजना गरिएको र दुवै शिविरमा ८३२ जनाले आँखा जाँच गराएका थिए । जसमध्ये १४७ जनाको आँखामा मोतियाबिन्दुको समस्या देखिएको र उनीहरुको निःशुल्क शल्यक्रिया गरिने उहाँले बताउनुभयो ।

स्थानीयले अझै दक्षिणी क्षेत्रमा यस्ता शिविर सञ्चालन गर्न मागसमेत गरेका छन् ।