आज नुवाकोटको भद्रुटार, पञ्चकन्या, बेतिनी, थपे्रकलगायत गाविसमा क्षतिको अवलोकन गरेपछि उहाँले राज्यलाई सघाउन आग्रह गर्नुभयो ।

अर्थमन्त्रीले विद्यालय निर्माणका लागि सरकारले तत्काल सहयोग गर्ने बताउँदै प्रत्येक विद्यालयलाई रु २५ हजारका दरले राहत रकम उपलब्ध गराइने जानकारी दिनुभयो । उहाँले भन्नुभयो, “मन्त्री जिल्लामा आएन नभन्नुस्, भूकम्प प्रभावित सबै स्थानमा मन्त्रिपरिषद्का सदस्यहरु पुग्नुपर्छ ।”

उहाँले राहतका लागि एकै घर दुई÷तीन धुरी गरेर नबस्न आग्रह गर्दै पार्टीगत स्वार्थभन्दा माथि उठेर इमानदारीपूर्वक उपलब्ध राहत सामग्री वितरण गर्न आग्रह गर्नुभयो । नेपाली काँग्रेस नुवाकोटका सचिव रमेशकुमार महतले भूकम्पबाट क्षति पुगेका स्थानमा न्यायोचित ढङ्गले राहत सामग्री वितरण भइरहेको बताउनुभयो ।