आइतबार, साउन १७ २०७८
काठमाडौं ०७:३९
वासिङटन डिसी 21:54

हावाहुरीले सयौँ घरको छाना उडायो

इनेप्लिज २०७२ जेठ १३ गते ३:२९ मा प्रकाशित

11684गोलबजार (सिरहा), १३ । गए राति आएको तीव्र गतिको हावाहुरीले सिरहाका सयौँ घरकोे छाना उडाएको छ ।

लहान नगरपालिका–८ का उमेश पासवानका अनुसार हावाहुरीले यहाँका दर्जनौं घरको छाना उडाएको छ । घरको छाना नै उडाएपछि यहाँका दलित बस्तीका मानिस विचल्लीमा परेका छन् ।

हावाहुरीले इलाका प्रहरी कार्यालय लहानका भान्सा घरको छाना पनि उडाएको छ । प्रहरी निरीक्षक चन्द्र राजवंशीका अनुसार तीव्र गतिमा आएको हावाहुरीले भान्साको छाना उडाएपछि खाना पकाउन पनि समस्या भएको छ ।

हावाहुरीबाट भएको क्षतिको पूर्ण विवरण सङ्कलन भइरहेको जिल्ला प्रहरी कार्यालयले जनाएको छ ।

प्रतिक्रिया