शुक्रबार, साउन २२ २०७८
काठमाडौं ०१:२१
वासिङटन डिसी 15:36

एउटै गाउँका चारजनाको पहिरोमा परी मृत्यु

इनेप्लिज २०७२ जेठ ४ गते १४:२२ मा प्रकाशित

1431545239Landचरिकोट (दोलखा), ४ जेठ । दोलखामा भूकम्पपछि राहत सामग्री लिन घरबाट निस्केका चारजनाको पहिरोमा पुरिएर मृत्यु भएको छ ।

खोपाचाँगु गाविस–२ का २६ वर्षीय मानवीर थामी, ४९ वर्षीय वीर्ख थामी, १८ वर्षीय खेम थामी र १९ वर्षीया भगवती थामीको मृत्यु भएको हो ।

यही वैशाख २९ गतेको पराकम्पनपछि सिँगटी बजारमा आएको पहिरोमा परी चारैजनाको मृत्यु भएको हो । भूकम्पपछि त्रिपाल र खाद्यान्नलगायतका राहत सामग्री लिन उनीहरू सिँगटी बजार आएका थिए ।

चारै जनाको शव आज निकालेको चरिकोटस्थित बर्दबहादुर गणका सेनानी राजन दाहालले जानकारी दिनुभयो । पहिरोमा पुरिएका अन्य तीनको शवसमेत उत्खनन गरी निकालिएको छ । “सनाखत हुन नसकेका तीन शव काठमाडौँ पठाएका छौँ” उहाँले भन्नुभयो ।

यसैगरी सुरी गाविसको भोर्ले भीरमा दुई वटा शव पहिरोमा पुरिएको अवस्थामा रहेको छ । वैशाख २९ गतेको पराकम्पनपछि आएको पहिरोमा सुरी गाविस–२ का १८ वर्षीय सुकराज गुरुङ र खारे गाविस–९ का १६ वर्षीय विजय गुरुङ पुरिएको अवस्थामा रहेका स्थानीय लिला गुरुङले जानकारी दिनुभयो । उनीहरूको शव निकाल्न सकिएको छैन ।

प्रतिक्रिया