बिहीबार, साउन १४ २०७८
काठमाडौं ०१:१९
वासिङटन डिसी 15:34

अपहरणपछि हत्या

इनेप्लिज २०७२ जेठ ४ गते ११:५० मा प्रकाशित

hatya-imageरङ्गेली, ४ जेठ । रङ्गेली नगरपालिका–३ का १४ वर्षीय किशोर उपेन्द्र साहको अपहरणपछि हत्या भएको खुलासा भएको छ । उनी पाँच वर्षअघि अपहरणमा परेका थिए ।

लामो र गहन अनुसन्धानबाट अपहरण गरेकै दिन साहको हत्या भएको इलाका प्रहरी कार्यालय, रङ्गेलीले आज पत्रकारसम्मेलन गरेर बताएको हो ।

प्रहरीले साहको हत्यामा संलग्न रङ्गेली नगरपालिका–३ का इन्द्रलाल मण्डल, रमेश मण्डल र शम्भु साहलाई पत्रकारसम्मेलनमा नै सार्वजनिक गरेको छ ।

पाँच वर्षअघि अर्थात् २०६७ साल फागुन ८ गते साँझ ७ः३० बजे घरबाटै बेपत्ता भएका ती किशोरको करिब छ महिनाअघि कङ्कालसहित लगाएका कपडा फेला परेपछि थालिएको अनुसन्धानबाट उनीहरुकै संलग्नतामा हत्या भएकोे पर्याप्त आधार फेला परेको प्रहरी निरीक्षक नरेन्द्र कुँवरले बताउनुभयो ।

प्रतिक्रिया