बुधबार, साउन २० २०७८
काठमाडौं ०६:२७
वासिङटन डिसी 20:42

लमजुङका विद्यालय जेठ १० गतेदेखि सञ्चालन गरिने

इनेप्लिज २०७२ जेठ ३ गते १२:१६ मा प्रकाशित

lamjung_map_nepalलमजुङ, ३ जेठ । भूकम्पका कारण बन्द रहेका लमजुङका शिक्षण संस्था यही जेठ १० गतेदेखि सञ्चालनमा आउने भएका छन् ।

जिल्ला दैवी प्रकोप व्यवस्थापन समितिकोे बैठकले जिल्लाका सामुदायिक तथा निजी विद्यालय जेठ १० गतेदेखि सञ्चालन गर्ने निर्णय गरेको हो ।

गत वैशाख १२ गतेको विनाशकारी भूकम्प र त्यसपछिका पराकम्पनका कारण कतिपय विद्यालय क्षतिग्रस्त भएका, कतिपय विद्यालय चर्किएका कारण विद्यालय बन्द गरिएको थियो । भूकम्पका कारण विद्यार्थी तथा शिक्षकसमेत मानसिकरुपले विद्यालय जान तयार नभएकाले विद्यालयहरू बन्द गरिएको थियो ।

लमजुङमा भूकम्पका कारण ३० हजारभन्दा बढी विद्यार्थी प्रभावित भएका छन् । सबैभन्दा बढी कक्षा १० का विद्यार्थी प्रभावित भएका छन् ।

भूकम्पका कारण १६७ विद्यालय पूर्णरुपमा ध्वस्त भएका छन् । ४२३ विद्यालयमा कक्षा कोठा भत्किएका छन् भने २८५ विद्यालयमा आंशिक क्षति पुगेको जिल्ला शिक्षा कार्यालयले जनाएको छ ।

प्रतिक्रिया