सोमबार, साउन १८ २०७८
काठमाडौं १०:५३
वासिङटन डिसी 01:08

बेगनास तालमा डुङ्गा दुर्घटना दुई किशोरीको मृत्यु, तीन पौडेर बाँच्न सफल

इनेप्लिज २०७२ जेठ ३ गते ११:५८ मा प्रकाशित

DSC02037पोेखरा, ३ जेठ । कास्कीको लेखनाथ नगरपालिकास्थित बेगनास तालमा आज दिउँसो डुङ्गा दुर्घटना हुँदा दुई किशोरीको डुबेर मृत्यु भएको छ भने तीन जना पौडेर बाँच्न सफल भएका छन् ।

गाई, बाख्रा चराउन गएका ती पाँचजना किशोरकिशोरी गर्मी भएपछि तालमा पौडी खेल्न गएका र तालको किनारमा पुरानो डुङ्गा देखेपछि त्यसमा चढेर ताल पारी जान लाग्दा डुङ्गा अचानक डुब्दा उनीहरू डुबेको जिल्ला प्रहरी कार्यालय कास्कीले जनाएको छ ।

डुङ्गा दुर्घटनामा मृत्यु हुनेमा सोही नगरपालिका–११ की १३ वर्षीया सीता विक र १२ वर्षीया ममता गुरुङ छन् । दुर्घटनामा सोही ठाउँकी १० वर्षीया पूजा मगर, १४ वर्षीया रोजनी सुनार र १३ वर्षीय दिपेश विक भने पौडेर बाँच्न सफल भएका थिए ।

प्रतिक्रिया