अपराह्न ३ बजेको समयमा आएको वर्षासँगै परेको चट्याङमा परी बाराको गढीमाई नगरपालिका वडा नम्बर ५ बकुलिया गाउँ निवासी वर्ष ३५ का बलराम चौधरीको मृत्यु हुनुको साथै उनका भाइ विनय चौधरी गम्भीर घाइते भएका हुन् ।

खेतमा काम गरिरहेका बेला खसेको चट्याङ लाग्दा बलरामको घटना स्थलमै मृत्यु भएको र विनय गम्भीर घाइते भएको प्रहरीले जनाएको छ । चट्याङबाट घाइते भएका विनयको उपचार वीरगन्जको नारायणी उपक्षेत्रीय अस्पतालमा भइरहेको छ ।

विनयको पिठु अत्यधिक जलेको कारण उनको स्वास्थ्य अवस्था गम्भीर बनेको उपचारमा संलग्न चिकित्सकले जनाएका छन् । मृतक बलरामको शव परीक्षणका लागि उपक्षेत्रीय अस्पतालमा राखिएको प्रहरीले जनाएको छ ।