स्रोतकेन्द्रअन्तर्गतका ३० विद्यालयमध्ये प्राविले २००, निमाविले ३०० र माविले ५००, स्रोतकेन्द्र र विद्यालय निरीक्षकले एक÷एक हजार जम्मा गरी रु १० हजार ५०० को पुरस्कार कोष स्थापना गरिएको छ ।

कोषमा करिब रु दुई लाख पुर्‍याउने र त्यहाँबाट प्राप्त ब्याजले प्रत्येक वर्ष यस स्रोतकेन्द्रअन्तर्गतका एक शिक्षकलाई पुरस्कृत गरिने विद्यालय निरीक्षक द्रोणप्रसाद पोखरेलले बताउनुभयो ।

कर्तव्यनिष्ठ, कार्यमूलक अनुसन्धान र सिकाइ उपलब्धिमा वृद्धि, शिक्षण सिकाइमा नवीनता र नियमितता, मिलनसारितालगायतका सूचकका आधारमा शिक्षक छनोट गरिने बताइएको छ ।