चालु आर्थिक वर्षभित्रै कालोपत्रे निमार्णका लागि ठेक्कासमेत भई प्रारम्भिक अध्ययन कार्य सम्पन्न भएपछि दक्षिणी क्षेत्रका स्थानीय हर्षित भएका हुन् । यहाँको बेलौरी नगरपालिकादेखि कैलालीको धनगढी जोड्ने करिब ३० किलोमिटर हुलाकी सडकमा ग्राभेल, स्लेभ कल्भर्ट र ह्युम पाइप निमार्णका लागि राष्ट्रिय योजना आयोगले तीन करोड ६२ लाख रुपैयाँ निकासा गरिसकेको छ ।

धनगढीसँग जोडिएको कञ्चनपुरको डोके बजारदेखि पुनर्वास, बेलौरी हँुदै रौतेली बिचवा गाविस जोड्ने हुलाकी सडक कालोपत्रका लागि आवश्यक पूर्वाधार निर्माण गर्न विनियोजन भएको पाँच करोडबाट तीन करोड ६२ लाख रुपैयाँ निकासा भइसकेको कञ्चनपुरका सभास्द दिवानसिंह बिष्टले बताउनुभयो ।

हुलाकी सडक निर्माणपछि दक्षिणी क्षेत्रमा औद्योगिक, कृषि, स्वास्थ्य र पर्यटनलगायत क्षेत्रको विकासमा टेवा पुग्ने छ ।