नयाँबजारका छत्रबहादुर निरौलाले प्रहरी चौकीको कार्यालय भवनका लागि तीन रोपनी जग्गा निःशुल्क प्रदान गर्नुभएको हो ।

सशस्त्र द्वन्द्वका समयमा विस्थापित भएर पुनः स्थापित भएको प्रहरी चौकीलाई कार्यालय सञ्चालन गर्न र सुरक्षा प्रदान गर्न समस्या भएपछि निरौलाले उक्त जग्गा प्रदान गर्नुभएको प्रहरी निरीक्षक ईश्वर थापाले जानकारी दिनुभयो । प्राप्त जग्गामा भवन निर्माण गरिने उहाँले बताउनुभयो ।

यसैबीच पशुपतिनगर–४ मा इलाका प्रहरी कार्यालय पशुपतिनगरको सुविधासम्पन्न नयाँ भवन बन्ने भएको छ । शान्ति तथा पुनः निर्माण मन्त्रालयको रु एक करोड ३७ लाख ३२ हजारको लागतमा भवन बन्न लागेको हो ।

इलामका प्रमुख जिल्ला अधिकारी वासुदेव दाहालले भवनको सोमबार शिलान्यास गर्नुभयो । मेस, महिला ब्यारेक, हिरासत, कार्यालय प्रमुख कक्षसहितको तीन तलाको नयाँ भवनका निर्माण गरिने छ ।