शनिबार, मंसिर २० २०७७
काठमाडौं १७:३२
वासिङटन डिसी 06:47

फरार प्रतिवादी पक्राउ

इनेप्लिज २०७२ वैशाख ४ गते १३:१२ मा प्रकाशित

pakrau-सुरुङ्गा (झापा), ४ वैशाख । डाँका मुद्दाका फरार प्रतिवादी ११ वर्षपछि झापाको शनिअर्जुन नगरपालिकाबाट आज पक्राउ परेका छन् ।

पक्राउ पर्नेमा सोही ठाउँ निवासी ४३ वर्षीय कमल विक रहेको प्रहरी चौकी शनिश्चरेका प्रहरी सहायक निरीक्षक सार्कीधन राईले जानकारी दिनुभयो ।

विसं २०६६ मा सर्वोच्च अदालतले नौ वर्ष जेल सजाय र रु १० हजार ३५० जरिवाना तोके पनि उनी फरार रहेका थिए । २०६१ सालमा सुरुङ्गा बजारमा डकैती काण्डमा उनी संलग्न रहेको बताइएको छ ।

यसैगरी, दश वर्षीया बालिकालाई जर्बजस्ती करणी गरेको अभियोगमा एक व्यक्ति आज झापाको विर्तामोडबाट पक्राउ परेका छन् ।

पक्राउ पर्नेमा विर्तामोड नगरपालिका–६ स्थित ४५ वर्षीया नवीन चुडाल रहेको जिल्ला प्रहरी कार्यालय झापाले जनाएको छ । चुडालले दमक नगरपालिका निवासी एक बालिकालाई सानी आमाको घर आएका बेला बिहीबार साँझ जर्बजस्ती करणी गरेको बताइएको छ ।

प्रतिक्रिया