सोमबार, मंसिर १५ २०७७
काठमाडौं १०:२३
वासिङटन डिसी 23:38

विश्व कीर्तिमानी लाक्पाले सगरमाथा आरोहण गर्ने

इनेप्लिज २०७२ वैशाख २ गते १३:४३ मा प्रकाशित

lakpa
काठमाडौं । विश्व कीर्तिमान महिला आरोही लाक्पा शेर्पाले एक दशक पछि फेरी सर्वोच्च शिखर सगरमाथा आरोहण गर्ने घोषणा गर्नुभएको छ । ६ पटक सगरमाथा आरोहण गरी सबैभन्दा बढी सगरमाथा आरोहण गने कीर्तिमान राख्नुभएको शेर्पाले यो बर्षको मे महिनमा सगरमाथा आरोहण गर्ने घोषणा गर्नुभएको हो ।
नेपाल पर्वतारोहण संघमा आयोजित एक कार्यक्रममा शेर्पालाई बिदाइ गरियो । सन् १९७३ मा जन्मनुभएको शेर्पाले सन् २००० देखि लगातार सन् २००६ सम्म सगरमाथा आरोहण गर्नुभएको
छ ।
सगरमाथा आरोहण गर्ने पहिलो जीवित महिलाको उपमा पनि पाउनुभएको शेर्पाले सन् २०१५ को मे महिनाको अन्तिममा सगरमाथा आरोहण गर्ने योजना रहेको जनाउनुभयो । नेपालको पर्वतारोहण क्षेत्रको प्रबद्र्धन र नेपालमा बढी भन्दा बढी पर्यटक भित्राउने उदेश्यले सगरमाथा आरोहण गर्न लागेको कीर्तिमानी आरोही शेर्पाले जनाउनुभयो । सन् २०१५ देखि लगातार सगरमाथा चढ्ने घोषणा गर्नुभएको शेर्पाले भन्नुभयो, “म कुनै कीर्तिमानको लागि नभएर नेपालको पर्यटन प्रबद्र्धनको लागि सगरमाथा चढ्दैछु । २० पटकसम्म सगरमाथा आरोहण गर्ने योजना छ । ”
सो अबसरमा नेपाल पर्वतारोहण संघका अध्यक्ष आङछिरिङ शेर्पाले विश्वका महिला आरोहीको लागि लाक्पा उदाहरण बन्नुभएको बताउनुभयो ।
महिलामा सबैभन्दा धेरै सगरमाथा चढेर कीर्तिमान राख्नुभएको लाक्पाले फेरी सर्वोच्च शिखर चढेर संसारको ध्यानाकर्षण गराउन सफल भएको जनाउनुभयो ।

प्रतिक्रिया