सांस्कृतिक सङ्घको भेलाले राईको अध्यक्षतामा जिल्ला कमिटी गठन

इनेप्लिज २०७२ वैशाख २ गते ४:०० मा प्रकाशित

धनकुटा, १ वैशाख । नेपाल सांस्कृतिक सङ्घ धनकुटाको तेस्रो जिल्ला भेलाले सूर्य वालिङ राईको अध्यक्षतामा १३ सदस्यीय जिल्ला कमिटी चयन गरेको छ ।

कमिटीको उपाध्यक्षमा कल्पना ढुङ्गेल, सचिवमा घनश्याम चापागार्इं, सहसचिवमा निरोज गुरुङ र कोषाध्यक्षमा जयन्ती आठपहरिया राई चयन हुनुभएको छ ।

सङ्घको उद्घाटन समारोहमा भेलामा सहभागी वक्ताहरुले लोकतान्त्रिक संविधान निर्माणका लागि सांस्कृतिक क्रान्ति आवश्यक रहेको बताएका थिए ।

नेपाली काँग्रेस धनकुटाका सङ्गठन विभाग प्रमुख नवीनकिशोर शाक्यको सभापतित्वमा भएको भेलामा पूर्व सभासद् तथा महिला सङ्घ धनकुटाका अध्यक्ष लीला सुब्बाले समयमै संविधान जारी गर्न दबाब दिनु पर्नेमा जोड दिनुभयो ।

नवगठित सङ्घको आयोजनामा वैशाख ४ र ५ गते धनकुटामा पूर्वाञ्चलस्तरको सांस्कृतिक सभा गर्ने निर्णय गरेको नवनिर्वाचित अध्यक्ष राईले बताउनुभयो ।

प्रतिक्रिया