बिहीबार, मंसिर १८ २०७७
काठमाडौं १७:०४
वासिङटन डिसी 06:19

नयाँ वर्षको आगमनसँगै पर्व सुरु

इनेप्लिज २०७२ वैशाख १ गते ४:५५ मा प्रकाशित

siruwaविराटनगर, १ वैशाख । नयाँ वर्षको आगमनका साथ तराईका जिल्लामा तीन दिनसम्म मनाइने सिरुवा पर्व आजदेखि विधिवत् रुपमा सुरु भएको छ ।

यस पर्वको पहिलो दिन आज सतुवाइन पर्वका रुपमा मनाइरहेका छन् । सो पर्वको अवसरमा देवीदेउतालाई सातु प्रसादका रुपमा चढाउने गरिन्छ । त्यसपछि परिवारका सम्पूर्ण सदस्यका साथै आफन्तलाई सातु खुवाउने गरिन्छ ।

सोही कारणले यस पर्वलाई सातु पर्व भनिएको छ । तराईका मैथिल समुदाय, थारू, राजवंशी, गनगाईंलगायतका जातिमा यो पर्व बडो उल्लासका साथ मनाउने गरिन्छ । पर्वको दोस्रो दिन भोलि जुड शीतल पर्वका रुपमा मनाइने गरिन्छ । अग्रजले अञ्जुलीमा जल लिई टाउकोमाथि राखेर वर्षभरि मगज ठण्डा रहोस् भन्दै आशीर्वाद दिने गरिन्छ ।

यसका साथै रूख, बिरुवामा जल दिने, टोलका इनारको सफाइका साथै नालाको समेत सफाइ गरेर दोस्रो दिनको पर्व मनाउने गरिन्छ । तेस्रो दिनको पर्वमा खासगरी थारू र राजवंशी समुदायले रङ्ग खेल्ने, मासुका साथै विभिन्न परिकारका खाना खाएर पर्व मनाउने गरिन्छ ।

प्रतिक्रिया