समितिका अध्यक्ष नवीन भट्टका अनुसार सेवाग्राहीको मागलाई ध्यानमा राखेर दार्चुला–काठमाडौँका लागि आठ बस सञ्चालनमा ल्याइने छन् । दार्चुलादेखि काठमाडौँका लागि बस सञ्चालन गर्न शनिबारदेखि व्यवसायीको आवेदन लिइएकोको भट्टले बताउनुभयो ।
समितिले भीमदत्तनगर–दिल्ली वातानुकूलित बस सञ्चालनका लागिसमेत प्रक्रिया अगाडि बढाउने भएको छ । विसं २०३७ मा स्थापित सो यातायात समितिले हाल ३३७ बस र कञ्चनपुरदेखि विभिन्न स्थानका लागि ट्क्यासी सञ्चालन गरेको छ ।