राष्ट्रिय अखण्डताविरुद्ध अभिव्यक्ति दिँदै हिँडेका उनलाई राजगढमा रहेका स्थानीय दलका प्रतिनिधिले विरोध जनाएपछि तनाव उत्पन्न नहोस् भनेर पक्राउ गरिएको जिल्ला प्रहरी कार्यालय झापाका प्रहरी उपरीक्षक रवीन्द्रनाथ रेग्मीले जानकारी दिनुभयो ।

राउतलाई नियन्त्रणमा लिने क्रममा उनका कार्यकर्ताले प्रहरीलाई ढुङ्गामुढा गर्दा इलाका प्रहरी कार्यालय राजगढका प्रमुख मनोजकुमार पौडेलसहित एक प्रहरी हवल्दार एक प्रहरी जवान घाइते भएका छन् ।

राउतलाई जिल्ला प्रहरी कार्यालय झापा लगिएको प्रहरीले जनाएको छ । त्यसैगरी राउतका कार्यकर्ता बोक्ने मोरङको पथरीस्थित ऋण सहकारी संस्था लिमिटेडद्वारा सञ्चालित एम्बुलेन्ससहित छ कार्यकर्ता इलाका प्रहरी कार्यालय घैलाडुब्बले नियत्रणमा लिएको छ । नियन्त्रणमा लिएको एम्बुलेन्स र सबै कार्यकर्तालाई इलाका प्रहरी कार्यालय बिर्तामोडमा राखिएको छ ।