मंगलबार, मंसिर ९ २०७७
काठमाडौं १५:४२
वासिङटन डिसी 04:57

अफिम खेती नष्ट गर्न प्रहरीले सक्रियता बढायो

इनेप्लिज २०७१ चैत १८ गते २:५७ मा प्रकाशित

Afim Kheti Nasta-2_1रुकुम, १८ चैत । प्रहरीले रुकुमका विभिन्न ठाउँमा अवैध रुपमा खेती हुँदै आएकोे अफिमलाई नष्ट गर्न सुरु गरेको छ ।

विशेष सुराकीको आधारमा अवैधरुपमा अफिमखेती गरिरहेको ठाउँको पहिचान गर्दै प्रहरीले त्यसलाई नष्ट गर्ने कार्यको सुरुवात गरेको हो । केही समय पहिले मात्र स्यालापाखा गाविस–३ र ४ का छ घरपरिवारले करिब १० कट्ठा जग्गामा लगाएको अफिमखेती नष्ट गरेको प्रहरीले पछिल्लो समयमा स्यालापाखा कै वडा नं २ भुरुङ्गामा दुई विघाभन्दा बढी क्षेत्रमा लगाइएको अफिम नष्ट गरेको जिल्ला प्रहरी कार्यालयका प्रहरी नायब उपरीक्षक गोविन्द थपलियाले जानकारी दिनुभयो ।

अवैधरुपमा खेती गरेको अफिमलाई प्रहरीले नष्ट गर्न सुरु गरेपछि स्थानीयवासी पनि खुसी भएका छन् । सामाजमा यसले विकृति ल्याउने भन्दै त्यसलाई नष्ट गर्न स्थानीयले पनि प्रहरीलाई सहयोग गरिरहेका छन् ।

जिल्लाका विभिन्न ठाउँमा गहँु, मकै, तरकारी लगाउने खेतबारीमा नै अफिम खेती गरिएको गुनासो बढेपछि प्रहरी नायब उपरीक्षक थपलियाको सक्रियतामा अफिम नष्ट गर्ने कार्यको सुरुवात भएको हो ।

प्रतिक्रिया