बुधबार, कार्तिक १२ २०७७
काठमाडौं ०६:००
वासिङटन डिसी 20:15

मोटरसाइकल दुर्घटनामा दुईको मृत्यु

इनेप्लिज २०७१ फागुन २२ गते १:४९ मा प्रकाशित

accidentरत्ननगर (चितवन), २२ फगुन । पूर्वी चितवनको रत्ननगरस्थित सौराहामा मोटरसाइकल दुर्घटनामा परी गएराति दुईजनाको मृत्यु भएको छ ।

हिजो साँझ करिब साँढे सात बजेतिर भएको उक्त दुर्घटनामा गम्भीर घाइते भएका दुईजनाको उपचारका क्रममा भरतपुर अस्पतालमा राति मृत्यु भएको प्रहरीले जनाएको छ । अर्का एकजना गम्भीर घाइते भएका छन् ।

रत्ननगर नगरपालिका–१७ स्थित बद्रेनीबाट हात्तीसारतर्फ जाने क्रममा ग ९ प १२९६ नम्बरको मोटरसाइकल अनियन्त्रित भई दुर्घटनामा परेको हो । उनीहरू तीनैजना एउटै मोटरसाइकलमा थिए ।

सो दुर्घटनामा परी गम्भीर घाइते भएका विवेक दराई र १५ वर्षीय अर्जुन महतोको ज्यान गएको जिल्ला प्रहरी कार्यालय चितवनले जानकारी दिएको छ ।

मोटरसाइकल चालक सोही स्थानका १७ वर्षीय विक्रम दराई भने गम्भीर घाइते भएका छन् । उनको अहिले भरतपुर मेडिकल कलेजमा उपचार भइरहेको प्रहरीले जनाएको छ ।

प्रतिक्रिया