सामुदायिक विद्यालयमा प्रविधिको पहुँच पुर्‍याउने उदेश्यले जिल्लाका आठ विद्यालयलाई नमुनाको रुपमा स्मार्ट बोर्ड प्रविधि सञ्चालनमा ल्याएको जिल्ला शिक्षा अधिकारी रमाकान्त शर्माले जानकारी दिनुभयो ।

प्रतिविद्यालय रु एक लाख ४० हजारका दरले अनुदान प्रदान गरिएको र स्मार्ट बोर्ड सञ्चालन गर्नका लागि तालिमसमेत दिइएको उहाँले जानकारी दिनुभयो ।

त्यसैगरी कार्यालयले जिल्लाका २१ सामुदायिक विद्यालयमा पुस्तकालय स्थापना गर्ने भएको छ । यसका लागि २१ विद्यालयलाई कार्यालयले प्रतिविद्यालय रु एक लाखका दरले अनुदान प्रदान गरेको छ ।

सामुदायिक विद्यालयमा विज्ञान प्रयोगशालाको पहुँच पु¥याउने उद्देश्यले कार्यालयले जिल्लाका १७ विद्यालयलाई प्रतिविद्यालय रु छ लाख ५० हजारका दरले अनुदानसमेत दिएको छ ।