आइतबार, कार्तिक ९ २०७७
काठमाडौं ०५:२४
वासिङटन डिसी 19:39

बागलुङमा सिसी क्यामेरा जडान

इनेप्लिज २०७१ फागुन २० गते १४:३२ मा प्रकाशित

cc-cameraबागलुङ, २० फागुन । सामाजिक सुरक्षा, सडक सुरक्षा र अपराध नियन्त्रणका लागि यहाँ सिसी क्यामेरा जडान गरिएको छ ।

बागलुङ उद्योग वाणिज्य सङ्घ, बागलुङ नगरपालिका र जिल्ला प्रहरी कार्यालयको संयुक्त प्रयासमा सिसी क्यामेरा जडान गरिएको हो ।

भौतिक पूर्वाधार तथा यातायात मन्त्री विमलेन्द्र निधिले आज जिल्ला प्रहरी कार्यालयको सिसी क्यामेरा नियन्त्रण कक्षको उद्घाटन गर्नुभयो ।

सो अवसरमा बोल्दै उहाँले सुरक्षा प्रणालीलाई आधुनिक प्रविधिबाट सञ्चालन गर्न आवश्यक रहेको धारणा राख्नुभयो ।

पहिलो चरणमा नगरका विभिन्न स्थानमा १९ वटा सिसी क्यामेरा जडान गरिएको छ । नगरक्षेत्रमा एक सय क्यामेरा जडान गर्ने लक्ष्य रहेको उद्योग वाणिज्य सङ्घ बागलुङका अध्यक्ष वसन्तकुमार श्रेष्ठले बताउनुभयो ।

क्योमरा जडानका लागि बागलुङ नगरपालिकाले रु ३० लाख सहयोग गरेको छ । सङ्घले रु २० लाख लगानी गरेको छ ।

श्रीनगरटोल, जीप पार्क, अदालत चोक, लोकतान्त्रिक चोक, हल्लन चोकलगायत क्षेत्रमा सिसी क्यामेरा जडान भइसकेको सङ्घले जनाएको छ । सिसी क्यामेराको नियन्त्रण कक्ष भने जिल्ला प्रहरी कार्यालयमा राखिएको छ ।

प्रतिक्रिया