बिहीबार, मंसिर १८ २०७७
काठमाडौं २२:४१
वासिङटन डिसी 11:56

एक गाग्री पानीका लागि दुई घन्टा हिँड्न बाध्य न्वालपानीवासी

इनेप्लिज २०७१ चैत ११ गते ५:४४ मा प्रकाशित

pani-430x316गोकुलेश्वर (दार्चुला), ११ चैत । दार्चुलाको भगवती गाविस– ७ न्वालपानी गाउँका स्थानीयलाई खानेपानीका लागि दुई घन्टा पैदल हिँड्नुपर्ने बाध्यता रहेको छ ।

गाउँमा रहेको एउटा मात्र न्वालामा पानी सुकेपछि स्थानीय एक गाग्री पानी ल्याउन दुई घन्टाको दूरीमा रहेको किरमुले पुग्नुपर्ने बाध्य भएको हो ।

न्वालपानीमा गर्मियामका तीन महिना पानीको अभाव हुने गरेको छ । दुई घन्टा हिँडेर ल्याएको पानी पिउनलाई समेत नपुग्ने भएपछि पशुचौपाया र चर्पी प्रयोगका साथै दैनिक सरसफाइमा समेत समस्या भएको न्वालपानीका स्थानीय उद्धवसिंह विष्टले बताउनुभयो ।

बालबालिका तथा वयस्क पानीको जोहो गर्न बिहानैदेखि किरमुले लाग्ने भएकाले घरमा असक्त तथा ज्येष्ठ नागरिक मात्रै बस्ने गर्दछन् ।

प्रतिक्रिया