आइतबार, मंसिर १४ २०७७
काठमाडौं २२:१९
वासिङटन डिसी 11:34

लागुऔषध बिक्री वितरण गर्ने सिनियर अहेब पक्राउ

इनेप्लिज २०७१ चैत ९ गते ७:५२ मा प्रकाशित

b9e120015b321c4aee4281eb7952e1f2_Lगोलबजार (सिरहा), ९ चैत । लागुऔषध बिक्री वितरण गर्ने एक स्वास्थ्यकर्मी सिरहामा पक्राउ परेका छन् ।

पक्राउ पर्नेमा सप्तरी खड्गपुर–५ घर भई हाल सिरहाको सिक्रोन उपस्वास्थ्य चौकीमा कार्यरत सिनियर अहेब अनरुद सेठ रहेका छन् ।

सेठले सञ्चालन गरेको औषधि पसल र डेराबाट लागुऔषध फेला परेपछि आइतबार उहाँलाई पक्राउ गरी आवश्यक कारबाहीको प्रक्रिया अगाडि बढाइएको जिल्ला प्रहरी कार्यालय सिरहाका प्रहरी नायब उपरीक्षक माधव बुढाथोकीले जानकारी दिनुभयो ।

उहाँका अनुसार सेठको औषधि पसल र डेराबाट लागुऔषध फोर्टवीन–२५१ एम्पुल, नाइट्रोसन ५० ट्याबलेट, डाइजेल्याप १८ एम्पुल, फेनारगन १९ एम्पुल र नुफिन २२ एम्पुल बरामद भएको छ ।

प्रतिक्रिया