सो स्थानमा खानेपानी तथा सरसफाइ डिभिजन कार्यालय रौतहटले २२५ घनमिटरको ट्याङ्की निर्माण गर्न लागेको हो ।

वर्षायामको समयका साथै गर्मी मौसममा पनि स्वच्छ खानेपानीको अभाव हुने गरेको गैंडाटार क्षेत्रका स्थानीय बासिन्दाले वर्षौदेखि खानेपानीको समस्या समाधान गर्न सम्बन्धित निकायसमक्ष माग गर्दै आएका थिए ।

उक्त स्थानमा खानेपानीको लागि सफल परीक्षणसमेत पूरा भइसकेको खानेपानी तथा सरसफाइ उपभोक्ता समितिका अध्यक्ष हरि आचार्यले बताउनुभयो ।

खानेपानीको ट्याङ्की निर्माणपछि सो क्षेत्रका करिब ८०० उपभोक्ता लाभान्वित हुने बताइएको छ ।