विभिन्न शीर्षकमा प्रदान गर्ने अनुदानका लागि झण्डै ४०५ कृषकलाई छनोट गरेकोे जिल्ला कृषि विकास कार्यालय काभ्रेपलाञ्चोकका बाली विकास अधिकृत थर्कबहादुर जिसीले जानकारी दिनुभयो ।

उहाँका अनुसार च्याउ खेतीका लागि २०, व्यावसायिक तरकारी खेतीका लागि ६०, भकारो सुधारका लागि ३००, माछापालनका लागि २० र दनुवार समुदायका चार कृषकलाई अनुदानको रकम वितरण गर्ने निश्चित भएको छ ।

खेतीमा प्रतिकृषक रु ४० हजारका दरले, भकारो सुधारका लागि रु ५२ हजार, माछा पालनका लागि पोखरी खन्न रु १० हजार र अन्य शीर्षकमा रु ५० हजार अनुदान दिइने जिसीको भनाइ छ ।

“अनुदानको उद्देश्य युवाहरुको विदेश पलायन रोक्ने र बेरोजगार युवालाई रोजगारी दिलाउनु हो’ जिसीले भन्नुभयो । विभिन्न शीर्षकमा पाइने अनुदानका लागि झण्डै ८०० कृषकको आवेदन परेको थियो ।