नेपाल प्रहरीको क्षेत्रीय अनुसन्धान टोली महाकालीले भीमदत्त नगरपालिका– ३ तिलकपुरको नौलाखेतबाट से१त ६११९ नंको ट्र्याक्टरसहित काठ बरामद गरेको हो । अवैधरुपमा काठ चोरी निकासी गरिरहेकाले पक्राउ गरी जिल्ला वन कार्यालय बुझाइएको टोली प्रमुख प्रहरी नायब निरीक्षक वीरेन्द्र जोहारीले जानकारी दिनुभयो ।

उहाँका अनुसार चुरे क्षेत्रमा अवैध रुपमा कटानी गरी भीमदत्तनगरका सःमिलमा आपूर्ति गर्ने उद्देश्यले सो काठ राति महेन्द्रनगरतर्फ ल्याइँदै गरेको थियो । जिल्ला वन कार्यालयका प्रमुख पशुपति कोइरालाले अवैध काठ कानुनअनुसार लिलाम गरिने बताउनुभयो ।