आइतबार, मंसिर १४ २०७७
काठमाडौं ०८:१४
वासिङटन डिसी 21:29

आगलागी पीडित परिवारको जीवन कष्टकर बन्दै

इनेप्लिज २०७१ फागुन ३० गते ३:५७ मा प्रकाशित

aaglaagiरौतहट, ३० फागुन । रौतहटको दुई गाविसमा हालै भएको आगलागीबाट पीडित बनेका १३ घर परिवारको अवस्था कष्टकर बन्दै गएको छ ।

स्थानीय गङ्गापिपरा तथा फतुहा महेशपुर गाविसका १३ घरधुरी परिवारको घर आगलागी हँुदा पीडित परिवारको ४० जनाको अवस्था दयनीय बन्दै गएको छ ।

खाद्यान्न, कपडा, बास बस्ने घर आगोले खरानी भएपछि अग्निपीडित परिवारका सदस्यले दैनिक छाँक टार्नसमेत समस्या भएको गुनासो गरेका छन् । घर आफ्नै आँखा अगाडि आगोले खरानी भएपछि खुल्ला अकासमुनि बस्नुबाहेक अन्य कुनै विकल्प नरहेको पीडित महेन्द्र पासवानले बताउनुभयो ।

गङ्गापिपरा गाविसको दलित बस्तीका उनको सहित आठ घर जलेर खरानी भएपछि पीडितका करिब ४० जनाको परिवार विचल्लीमा परेका छन् । आगोले घर जलेपछि केही सङ्घसंस्थाले थोरै राहत सामग्री उपलब्ध गराए पनि अग्निपीडितलाई राति सुत्ने बास, ओड्ने ओछ्याउने कपडा र खाना पकाउने दाउरालगायतका समस्या रहेको गङ्गापिप्रा गाविसका पूर्व गाविस उपाध्यक्ष राजदेव गुप्ताले बताउनुभयो ।

यसैगरीे फतुवा महेशपुर गाविसका नागरिक पनि आगलागीबाट पीडित बन्न पुगेका छन् । दुवै गाविसका झन्डै एक दर्जन परिवारका बालबालिका, महिला, सुत्केरी र वृद्धवृद्धा सडकमा बस्दै आएका छन् ।

जिल्ला दैवीप्रकोप उद्धार समितिका संयोजक एवम् प्रमुख जिल्ला अधिकारी मदन भुजेलले अग्निपीडितका लागि राहतस्वरुप खाना पकाउन भाडावर्तन, बस्नलाई त्रिपाल, सुत्नलाई दरी र केही खाद्यान्न सामग्री उपलब्ध गराएको बताउनुभयो ।

प्रतिक्रिया